Ўстанова дашкольнай адукацыі "Трылесінскі дзіцячы сад" расчыніла свае дзверы 10 жніўня 1993 года.

 Дзіцячы садок быў пабудаваны ў пасёлку для «перасяленцаў», жыхароў раёнаў Магілёўскай вобласці, якія пацярпелі ад аварыі на Чарнобыльскай АЭС.

На момант адкрыцця яго наведвалі 75 выхаванцаў у чатырох групах. У 1994 годзе была адкрыта яшчэ адна група. Спісачны склад складаў 93 выхаванцы.          

Першым загадчыкам была прызначана Давыдзенка Ірына Фёдараўна.          

У 2002 годзе - Арыненка Святлана Віктараўна, якая кіруе ўстановай і на сённяшні дзень.

У 2009 годзе ўстанова адукацыі была зарэгістраваная як юрыдычная асоба, атрымаўшы не толькі новы статус, але і новае найменне – дзяржаўная ўстанова адукацыі «Трылесінскі яслі-сад «Крынічка».

 У 2011 годзе на базе ўстановы адукацыі адкрыты пункт карэкцыйна-педагагічнай дапамогі.         

У 2022 годзе ўстанова адукацыі, у сувязі з унясеннем змяненняў у Кодэкс аб адукацыі, зноў змяніла назву стаўшы дзяржаўнай установай адукацыі «Трылесінскі дзіцячы садок».  

Час уносіць карэктывы ў жыццё дзіцячага сада - на 1 верасня 2022 года ўстанова адукацыі наведвае ўсяго 37 выхаванцаў у 3 рознаўзроставых групах.